SEMENTAR, SEMENTAREI 🌺

No noso cole temos un pequeno horto no que poder plantar moitas verduras e hortalizas. 

Este curso tocounos poñer allos e nas macetas das gradas gladiolos, unhas flores preciosas que cando medren encherán de cor as escaleiras. 

Non creades que é tarefa sinxela. Require orde, traballo e sobre todo... moita PACIENCIA, e disto a verdade é que aínda non temos demasiado. Poderase cultivar tamén? 😜💭

Sementando de Susi

COÑECEMOS A LETRA J

Tocounos coñecer ao xardineiro J que coida das plantas e as flores no país das letras. É unha tarefa moi importante porque temos que coidar a natureza. 

Mirade como o fai e o ben que traballa. 

Preme na imaxe para escoitar a súa historia.

Tamén podemos escoitar a súa canción e bailala. Preme na imaxe.

EDUCACIÓN VIARIA

O xoves día 15 recibimos unhas clases moi divertidas de educación viaria.

 Grazas a unha actividade organizada polo Concello de Ourense aprendemos moitas cousas útiles para movernos pola cidade con seguridade. Agora sabemos cando debemos cruzar polos pasos de peóns, o que significan moitos sinais de tráfico e unha chea de cousas máis, e ademais foi moi divertido aprendelo. Mirade que ben o pasamos.

educación viaria de Susi

EXPOSICIÓN DO ENTROIDO

Durante esta semana de entroido tivemos unha exposición no cole na que podiamos participar aportando algún elemento propio do noso entroido feito por nós. 

Aquí tendes o resultado.

 Grazas a todos os que colaboraron. Parabéns por tan magníficos traballos.

Exposición Entroido 23_24 de Susi

PITUFANDO O ENTROIDO

Chegou o gran día, o venres do desfile. Malia que choveu e non puidemos saír a desfilar pola rúa, celebrámolo igualmente no patio do cole e pasámolo moi ben. 

A PITUFAR!!!!😊

Entroido 23/24 de Susi

CHEGOU O ENTROIDO

Nesta semana estivemos a celebrar unha das festas que máis nos gusta: O ENTROIDO. 

Comenzamos o luns recibindo a visita dunha Mázcara de Manzaneda e unha Pita de Eiroás. 

Foi moi divertido!!!

DÍA DA PAZ

O martes día 30 de xaneiro celebramos o día da paz no cole. Saímos ao patio e ademais de cantar unha canción metemos no peto dos desexos o noso desexo de paz. Aquí vos deixamos as imaxes dese día.

DÍA DA PAZ de Susi

ANIVERSARIOS XANEIRO

Neste mes de xaneiro cumpliron anos moitos compañeiros e compañeiras así que temos moito que celebrar. Parabéns e a desfrutar dos 6 anos.